Hanysy , a Gorole humorystycznie ;p

jozek

Hanysy som to istoty zamiyszkujonce przynojmni - łod trzech pokolyń kraina geograficzno zwano Górnym Śląskiem, a z niemiecka Oberszlyjzyn. Hanysy nazywajom siebie pniokami. Na miano pnioka zasługuje Ślonzok wrośnienty w ta ziemia łod poru pokoleń. Pniokow jest coroz to myni i godajom, że jakby gorole wyjechali ze Śląska, to kożdy hanys w czwortym pokolyniu, by mioł do swoji dyspozycji przynojmni jedyn blok na osiedlu, jedna gruba do łobrobiynio i jedne boisko do gry we fusbal.
Gorolami pnioki nazywajom przyjezdnych, kerzy przyjechali na kole, stond sie wziyno powiedzynie „Przyjechali na Śląsk gorole we piyńciu na jednym kole”. Dużo goroli zatrzymało sie na stale i pozbierali tu co lepsze fuchy. Stond tyż wziyno sie kolejne powiedzynie: „Gorole som wszyńdzie, na dole i na urzyndzie”. Te gorole co sie zatrzymali już na stałe i siedzom łod dwóch pokolyń som gorolami łoswojonymi i godo sie na nich krzoki. Te łoswojone gorole som bardzi hanysami, niż prawdziwe hanysy, i jakbyś takymu pedzioł „gorol”, to mosz przesrane. Na goroli, kerzy przyjyżdżajom na chwila, by zrobić kariera, abo niy daj Boże nakraść, godo sie ptoki, że niby tak furgajom. Te ptoki to naśmiywajom sie z hanysow wiela wlezie, a ci niy pozostajom im dłużni. Roz jedyn gorol przyjechoł na rowerze w zima do restauracji. Śniega po kolana, a tyn na takim wehikule. Widzioł to hanys i sie go pyto: – W tako zima pan na kole? – Nie na cole, tylko na pepsi – odpedzioł mu gorol. Wypioł ta pepsi i usiod na zic, i luft mu uciek ze szlałchu, a upierdliwy hanys zaś pije do niego: Pana? A gorol łodpowiado: – Nie, nie mój rower tylko szwagra. Kedyś zaś za Brynicom jedyn bajtel pioł z ty rzeki woda, kero wiadomo do zdrojowych nie noleży, a ujrzoł to hanys z drugi strony i woło: – Bajtel niy pij ty wody, bo sie łotrujesz.
Ale-jak-przychodzi-co-do-czego,-to-pnioki,-krzoki-i-gorole-potrafią-razem-bronić-swojej-gruby.
Ale jak przychodzi co do czego, to pnioki, krzoki i gorole potrafią razem bronić swojej gruby.
Tyn niy dosłyszoł i zawołoł czystom polszczyznom: – Słucham pana.
Na co hanys: – A nic, pij.
Przyjezdne gorole miyszkali we wulcach, przez co tyż czynsto godało sie na nich wulce. Ta nazwa wziynła sie łod chopa, kery sie nazywoł Wultz i założoł na Śląsku piyrwsze hotele robotnicze. Te gorole z wulcow pożyniyli sie, wrośli w ta naszo ziymia, nawet nikere stare pnioki godajom, ze w kożdy porzondny ślonski rodzinie musi być przynojmni jedyn gorol, a złośliwe dodajom, że tyla niyszczyńść na jedna rodzina styknie.
Poloki czynsto mylom goroli z góralami. Miyndzy góralami a gorolami jest tako różnica, że górole to chodzom po gorach, a gorole po Śląsku. Po gorach to łażom u nos czasym złodzieje, i kradnom pranie, kere sie tam suszy. A pranie suszy sie na gorze przez to, że gora to po naszymu niy ino gora, ale i strych.
Miyndzy pniokami i krzokami jest tako różnica, że pnioki starajom sie godać po polsku i mało kerymu to wychodzi. Natomiast krzoki godajom po naszymu i dziepiero im to niy wychodzi. A niy wychodzi im przez to, bo ślonsko gwara jest jynzykiym niy ino miyndzynarodowym, ale i złożonym. My godomy i trocha po francusku, i po angielsku, i po czesku, i po niemiecku i nawet trocha po polsku. Z francuskego pochodzi zwrot: Żar pan żur, jak pan żar toś pan gbur. Bo musicie wiedzieć że żur, a niy żodyn żurek jak czynsto pisze w „menu”, to ślonsko potrawa pochodzynia francuskiego i w smaku dorównuje nojbardzi wykwintym beszamelowym francuskim zołzom. Zaś firmowy żurek śląski w barach czynsto wyglondo jak woda z pralki po trzecim praniu. Po angielsku godali my na dole, jak żech wozow niy umioł rozkuplować i potrzebno była brecha. Wtedy to żech tak se łosprawiol z kamratym: – Łom dej – kaj dej – tu dej – okey.
Kedyś jeszcze jak Górnik Zabrze był majstrym i groł w europyjskich pucharach było w użyciu słowo cham. Godało sie tyn cham, tamtyn cham i Totynham. Górnik z Totynhamym niestety przegroł, a chamy zostały.
W gwarze momy tyż miyndzynarodowe ostrzeżynia kaj np. w jednym zdaniu wystympuje kilka obcojynzycznych wyrazow. Stare banioki godajom: – Halt. Dej pan pozor na te glajzy, bo w pana piźnie bana.
Halt, glajzy i bana som po niemiecku. Dej to je z angielskiego, bo angliki majom wiecznie mało i godajom jes te dej. Jo jak żech łostatnio powiedzioł moji po niydowny seks aferze: „Jes te dej”, to sie na drugi bok łobrociyła, widocznie nie rozumi po angielsku. Po czesku jest pozor, po polsku pan, a po ślonsku piźnie.
Jeżeli chodzi o złożoność to gwara łoprócz normalnych wyrażyń mo tzw. Ałsdruki, np. wyraz łonaczyć. Słowo to zastympuje wszystke inne, ale przeważnie opisuje w nieskomplikowany sposob skomplikowane stosunki damsko-mynske. Do przykładu: Łona z łonym złonaczyli sie na łonce.
Hanysy tyż nigdy niy godajom „o”, ino „ło” np: Łoptyk z łorkiestrom łobjechoł łobjazdym łokoło Łolesna, łoziym łokronżyń.
Abo weźmy taki ałsdruk wichajster, abo dinks, kere tyż zastympujom wiela innych wyrazow. Ftoś sie wos spyto co to jest kurbla, a wy niy wiycie co to jest, ale za pomocom dinksa i wichajstra idzie wyńść z kożdy łopresji. Bo przeca kurbla to jest tako tajla przy dinksie, kerom sie kurbluje łonaczydło, żeby nakurblować złonaczony wichajster, abo insze kurblowadło. I jest to bardzi przejrzyste, niż bleblanie nikerych wybrańcow narodu z mównicy syjmowy. Abo czy ftoś z wos wiy, co to szfynker do pranio, abo kromlojchter. A kożdy Hanys powiy, że szfynker do pranio, to siarońsko festelny waszpek z przydinksowanym waszbretym do kerego jest przyłonacony hynkel i tym hynklym sie w te i nazod telepie, aże z pranio maras wylezie. Zas kromlojchter to je byrna w fasongu na sztyndzrze przyłonaczono dinksym do gipsdeki. A tera ida szykować sie do wilije, bo moja szkamrze, że durś szkryflom, a już wszyscy som fertig i majom krisbałny łobwieszone glaskuglami i łobsypane zilbrym.
Przez to haltuja z tymi kwańtami i belerami, a wszystkim pniokom, ptokom i krzokom życza Wesołych Świąt. I dejcie pozor przy zbijaniu karpa. fajny tekst hehehhe a jaki wy macie stosunek do Hanysów i Goroli???????

furtoq

Ja powiem tak..czuje sie Ślonzokiym,a jestem Krojcokiem ale najwazniejsze jest to kim sie czujesz i co masz w sercu a nie kim sie urodziles...do goroli nic niemam o ile nie czuja oni niechęci do Ślonska,niestety wielu jest takich co nas nietrawia i za to chuj im w ryj:D ale znam tez goroli spoza Ślonska którzy szanuja nas ,nasze klimaty,gware i za to równiez nalzey sie im szacunek...

jozek

Ja powiem tak matke mam z sosnowca , ojca z pomorza ale urodziłem sie na Ślonsku i wychowałem i nie widze powodu dla którego miałbym nie czuć się ślonzakiem ,ale bycie ślonzakiem nie przeszkadza mi w byciu polakiem ...

FlaszU

Moji rodzice urodzili się w Katowicach.
Moji dziadkowie urodzili się w Katowicach.
Moje wujostwo urodziło się w Katowicach.
Czyli jestem skazany na GieKSe:D

jozek

Flaszu przeczytaj dokładnie czego dotyczy temat w którym sie wpisujesz .